Учиме да пишуваме со моџо.мк: Буквата Г

Поими за вебање на буквата Г

Гарант - фраза која означува никогаш

Гарантно писмо - писмо од роднини од странство до амбасадата на земјата во која се евакуирале за да ти помогнат тебе да се евакуираш

Газда - човек кој е заглавен во долгови и има регистрирано фирма, да не се меша со граѓанин кој е човек заглавен во долгови, а нема фирма

Газдарица - жена на газда, нема да се обеси кога газдата ќе се обеси затоа што нема да може да ги исплаќа долговите

Гиро Глигоров - Киро Глигоров напишан со “Г“ наместо со “К' поради брзање

Гол - акција на вметување на топка меѓу стативите, обично кон крајот на второто полувреме за да не си добитен

Гола - обично на други координати од кои си ти

Голден шауер - од американскиот Golden shower, бањско лекување во домашни услови со помош на вода обогатена со витамини и минерали

Град - населба од урбан тип која е административен, општествен и културен центар на селата кои орбитираат кон истиот, ако е поголем го газат тешки опинци

Градоначалник - таткото на градот иако го нема физички тој створено во акт на чин со непозната мајка, често се однесува како очув на градот, а да беше градот вистинско дете ќе му беше одземено

Гром - електрично празнење, да не се меша со ГРОМ, поим кој е поопасен од електричното празнење

Глуп - човек кој не е глуп на начинот на кој ти си глуп

Глупава - единка од женскиот пол која одбива коитус со тебе, според соседите единка од женскиот пол која не се омажила за некој од странство туку се омажила од љубов

Г-точка -

Гласач - статистика, да не се меша со овца

Гласачко тело - збир на статистика, да не се меша со стадо

Говорница - место кое ја собира статистиката, да не се меша со трло

Груевски - во едно значење спасител на Македонија, во друго значење диктатор

Гоблен - слика за тие што немаат реновирано до 1983-та

Гето - онаму каде што синовите на газдата и газдарицата мислат дека живеат

Гангстер - работно место, кога не е на приватен факултет, на оној што верува дека живее во гето

Реченици за вежбање на буквата Г:

Глуп му гугна Горан на Гоки кој го искористи Гугл да го провери зборот.

Граде на Горица и Гиле, газдите на ГоГи 2003 е гангстер од гетото во Гевгелија.

Сјечаш ли се лепи ГРОМе мој.

Голем број на гласачи гласаа за градоначалник губејќи достоинство за масло и 500-че.

10 видови на Фејсбук постови за првиот училишен ден

Со среќа на сите чинители во образовниот процес

15 причини зошто Таравари си заминува од министерството за здравство

#ЧаоТаравари

Есенски моден водич за луѓе кои земаат помалку од 250 евра плата

Напишан од човек кој зема помалку од 250 евра плата

Севернокореец на Денот
Севернокорејка на Денот