Што Стивен Кинг мисли за „Сјаење“ од Кјубрик

Делата на американскиот писател Стивен Кинг, често се адаптирани и претворани во некои од најдобрите филмски остварувања на светската кинематографија. Меѓу нив се вбројуваат: „Бегство од Шошенк“ на режисерот Френк Дарабонт, „Зелената милја“ на истиот режисер, „Остани со мене“ на Роб Рајнер и „Сјаење“ на Стенли Кјубрик.

„Сјаење“ се смета за најголемо остварување на овој автор што е голема титула со оглед дека Кјубрик е вистински мајстор на својот занает. Но, Кинг смета дека тоа е прилично бледа адаптација на неговиот роман.

Кога во 1980 година, филмот ја имаше својата премиера, писателот, тогаш на 28 години и на почетокот на својата кариера не сакаше да се изјаснува, но 34 години подоцна, со исклучителна кариера зад себе, во интервју за Ролинг Стоунс, рече дека филмот очигледно им се допаднал на чуѓето и дека никој не ги разбира неговите приговори.

Според зборовите на Кинг, неговиот роман е топол, а филмот е ладен и додека книгата се завршува во оган, крајот на делото на Кјубрик е на снег и мраз. Додека ликот на Џек во романот се труди да биде добар, но како што поминува времето се повеќе луѓе завршуваат во целосно лудило, во филмот, според мислењето од Кинг, тој е луд од првата сцена.

За ликот на сопругата на Џек, Шели, замери дека на филмското платно е претворена во кујнска крпа која вреска, наспроти неговата намера да биде олицетворение на силен мајчински карактер. Јунаците на Кјубрик се како мрави во мравјалник, вели Кинг.

Не треба да се заборави дека филмот и книгата се два различни видови на уметност, дека имаат поинакви правила по кои настануваат и дека затоа не е можно исто да уживате и во едното и во другото „Сјаење“.

Секако, ако не сте Стивен Кинг.

 

10 видови на Фејсбук постови за првиот училишен ден

Со среќа на сите чинители во образовниот процес

15 причини зошто Таравари си заминува од министерството за здравство

#ЧаоТаравари

Есенски моден водич за луѓе кои земаат помалку од 250 евра плата

Напишан од човек кој зема помалку од 250 евра плата

Севернокореец на Денот
Севернокорејка на Денот