Како да бидеш сељак во автобус

Во градски автобус

Припреми:

Во оваа фаза е строго забрането практицирање на лична хигиена. Минимум три дена пред возењето со автобус не се користат антиперспиранти, парфеми, а сапунот и водата се најстрого забранети. Пожелно е готвење на манџа во облеката во која ќе си облечен за време на возењето. Непосредно пред возењето се препорачливи неколку чашки ракија, а ако не конзумираш алкохол само гаргара со истата.

Во текот на возењето:

Ако има место седни на празното место, а ако има две празни места седи така што нема да оставиш простор да може друг да седне. Можеш и да ги кренеш нозете за да покажеш доминација. Кога веќе си седнат не станувај за никој. Ни постари, ни трудници. Пуштај ги твоите омилени турбофолк песни на глас и немој да слушаш музика на слушалки.

Во случај да нема место за седење и мора да стоиш најди ја најувавата девојка во автобусот и стои преблиску до неа. Пожелно е да и дишеш во врат со здив кој мириса на ракија, а ако се сврти гледај ја во очи без да трепнеш. Доколку мора да стоиш до седиште погрижи се твоите интимни делови да се што е можно поблиску до седнатиот патник.

Барај возачот да те слезе на место на кое што нема автобуска постојка.

Во меѓуградски автобус

Припреми:

Непосредно пред тргнувањето е совршено време за 10 ќебапи со кромид и неколку пива во сендвичарата на автобуската станица. Се разбира, пивото оди со цигара па така пред да влезеш во автобус наполни ги градите со чад и биди сигурен дека ќе го испуштиш внатре.

Во текот на возењето:

Пивото ти прави гасови кои ако останат во телото се штетни за здрвјето па така не се воздржувај. Сите се луѓе ќе те разберат! Во меѓувреме е препорачливо да ги извадиш чевлите и да ги разлабавиш пантолоните. Се тоа додека прегласно зборуваш по телефон. Под зборување се подразбира гласно смеење и пцуење. Откако се смести спушти го седиштето до крај и клоцај го тој пред тебе.

Ако дестинацијата е подолга од 30 километри со себе мораш да имаш салама и леб кои ќе ги јадеш за време на целиот пат. Гласното џвакање и шлапањето со устата се дел од вкусниот оброк.

10 видови на Фејсбук постови за првиот училишен ден

Со среќа на сите чинители во образовниот процес

15 причини зошто Таравари си заминува од министерството за здравство

#ЧаоТаравари

Есенски моден водич за луѓе кои земаат помалку од 250 евра плата

Напишан од човек кој зема помалку од 250 евра плата

Севернокореец на Денот
Севернокорејка на Денот