Единствениот „Исцелител“ кој ќе ви биде потребен некогаш

Не, на фотокопираните листови хартија низ бандерите на Скопје нема оглас за преведувач, туку линк до www.iscelitel.mk, веб страница која сервира неконвенционални рецепти, саркастични методи за оздравување
и „лекови“ за секоја мака.

Иако некои исцелители масовно ги користат онлајн медиумите, во конкретниот случај, не се работи за веб страница на индивидуа, туку за канал за промоција на „Исцелител“, долгоочекуваниот македонски филм на
Ѓорче Ставрески.

На веб страницата, можете да си одберете од листата на понудени маки или да додадете своја и да добиете автентичен рецепт од „Исцелител“-от за справување со секоја од нив. Секој рецепт содржи специфични
состојки, но главната е црниот хумор, со кој се спремаше и ова филмско остварување, во коe играат Благој Веселинов, Анастас Тановски, Александар Микиќ и Аксел Мехмет.

Премиерата на „Исцелител“ ќе се одржи на затворањето на филмскиот фестивал Синедејс, на 19-ти ноември, по што филмот ќе почне да се емитува низ кино салите на Македонија. Воедно, ова е прв македонски филм кој ќе биде дел од натпреварувачката програма на филмскиот фестивал во Талин.

За подетални информации посетете ја веб страницата www.iscelitel.mk, а за многу среќа, не заборавајте да го споделите овој текст со пет пријатели на друштвените мрежи.

16 наслови од македонските портали кои ги очекуваме за дождот

Уште во далечната 1973-та Баба Ванѓа предвиде дека ако не носиш чадор за време на дожд ќе накиснеш

26 фрази за да уништиш слава или именден

Ако не си ти ќе е некој друг

16 позитивни страни од враќањето на евтината струја

Пишувано на скапа струја

Севернокореец на Денот
Севернокорејка на Денот